iSupport i Ofalwyr Dementia
Rhwng mis Ionawr 2021 a mis Mehefin 2024, yr astudiaeth hon oedd yr hap-dreial rheoledig cyntaf mewn poblogaeth Saesneg ei hiaith fwyafrifol o effeithiolrwydd clinigol ac economaidd 'iSupport for dementia carers' a'r hap-dreial rheoledig cyntaf oedd yn ddigon dibynadwy i archwilio effeithiolrwydd.
Mae iSupport yn wefan ryngweithiol seicoaddysg a hunangymorth ar-lein wedi ei thargedu’n fyd-eang a ddatblygwyd gan Sefydliad Iechyd y Byd i leihau trallod gofalwyr, a’u helpu i ddarparu gofal da a gofalu amdanynt eu hunain. Bu i ni wneud yr addasiad cyntaf erioed o iSupport i bobl ifanc, gan gynhyrchu adnodd byd-eang gwreiddiol i ofalwyr ifanc. Cawsom gyllid ychwanegol yn 2022 i gynnal dau is-broject arall; 1) addasu iSupport i ofalwyr o gefndir De Asia yn y Deyrnas Unedig a arweiniodd at adnodd newydd i’r gofalwyr hyn, a 2) archwilio dichonoldeb ap gweithgaredd corfforol i ofalwyr dementia ('CareFit').
O ganlyniad i’n rhaglen ymchwil mae gennym adnoddau newydd i ofalwyr dementia, gweithwyr iechyd a gofal cymdeithasol proffesiynol. Mae'r rhain ar gael am ddim yma: https://www.isupportdementiacarers.co.uk/cy
Mae’r rhain yn cynnwys:
- iSupport i oedolion sy'n gofalu
- iSupport i ofalwyr dementia prin
- iSupport i bobl ifanc
- iSupport i ofalwyr o gefndir De Asia
- Cwrs datblygiad proffesiynol parhaus